Çitaku: Qytetarët e Prizrenit kanë folur, për keqardhje që VV nuk po e pranon rezultatin

Nënkryetarja e PDK-së, Vlora Çitaku, ka reaguar pasi Lëvizja Vetëvendosje ka thënë se do të ankohet për rezultatin e zgjedhjeve lokale në Prizren.

Çitaku përmes një postimi në Facebook reagimin e VV-së pas zyrtarzimit të Shaqir Totajt si kryetar i Prizrenit e ka quajtur për keqardhje.

“Qytetarët e Prizrenit kanë folur, vota e tyre është numëruar, dhe rezultati si i tillë duhet pranuar.

Për keqardhje që Lëvizja Vetëvendosje po e refuzon vullnetin e qytetarëve”, ka shkruar Çitaku.

Dega e Lëvizjes Vetëvendosje në Prizren, pas certifikimit të rezultateve nga Komisioni Qendror i Zgjedhjeve ka bërë të ditur se do ta ushtroj të drejtën për ankesë në rezultat.

Leave comment

Your email address will not be published. Required fields are marked with *.