Nënë e bir vjedhin ari në një argjendari në Prizren, Policia i kap në Vushtrri

Në një argjendari në rrugën “Adem Jashari” në Prizren dy persona kanë vjedhur stoli ari në vlerë të mbi 1500 eurove. Rastin e ka raportuar në Polici pronari i lokalit, i cili edhe i ka publikuar pamjet e dy personave që kryen vjedhjen.

Siç mëson Sinjali, pas një pune hetimore të Policisë, është arritur të lokalizohet vendbanimi i të dyshuarve nënë e bir, M.F., dhe V.F.

Të njëjtit janë kapur në Vushtrri dhe janë dërguar në stacion policor për intervistim.

Gjatë kontrollit te e dyshuara i është gjetur një zinxhir ari dhe një unazë që dyshohet se i vodhi në argjendari.

Pasi të dyshuarit e kanë pranuar se kanë kryer vjedhjen, me vendim të prokurorit janë dërguar në mbajtje për 48 orë.

Leave comment

Your email address will not be published. Required fields are marked with *.