Policia kufitare ia gjen mbi 41 mijë euro kesh një personi, po kalonte nga Kosova në Mal të Zi

Policia e Kosovës ka njoftuar se kanë kapur 41.750 euro pasditen e kësaj të premte në pikën kufitare në Kullë te një person i cili po tentonte të kalonte kufirin. I dyshuari po udhëtonte me veturë me targa të Kroacisë dhe nuk kishte deklaruar paratë dhe prejardhjen e tyre.

Ai po mendonte daljen nga Republika e Kosovës për në drejtim të Malit të Zi.

“Pas disa dyshimeve vetura me targa të Kroacisë, e cila ishte në dalje nga Republika e Kosovës për në drejtim të Malit të Zi, është selektuar për kontroll në vijën e dytë. I dyshuari kishte deklaruar se posedon të holla me vete, por nuk e kishte treguar shumën e tyre”, thuhet në njoftimin e policisë.

“Zyrtarët policor dhe ata doganor janë marr me trajtimin e rastit, ku shuma e parave në posedim të personit ka rezultuar (41.750 Euro), dyzet e një mijë e shtatëqind e pesëdhjetë euro”.

“Lidhur me rastin është njoftuar Prokurori i Prokurorisë Themelore në Pejë, ku është inicuar rasti, mos deklarim i parave (mos prezantim i dëshmisë për prejardhje të hollave). Rasti iu është dorëzuar Doganës së Kosovës për procedim të mëtutjeshëm”, njofton policia.

ATT00001

Leave comment

Your email address will not be published. Required fields are marked with *.