SHBA dhe Izraeli nënshkruan një marrëveshje të madhe të armëve si F-35 dhe Apache
![SHBA dhe Izraeli nënshkruan një marrëveshje të madhe të armëve si F-35 dhe Apache](https://rtvbesa.com/wp-content/uploads/2024/01/IMG-20240126-WA0034.jpg)
👇
Media izraelite ka njoftuar se SHBA-ja dhe Izraeli kanë nënshkruar një marrëveshje të madhe armësh e cila përfshin furnizimin e Tel Avivit me shumë avionë F-35 dhe F15 AI si dhe helikopterë ushtarakë Apache, transmeton AA.
Kanali televiziv izraelit Channel 12, ka raportuar se ka siguruar qëndrimet e zyrtarëve izraelitë nga Ministria izraelite e Mbrojtjes të cilët ishin të përfshirë në marrëveshjen e kryer me Washingtonin.
“Një marrëveshje dramatike armësh u nënshkrua mes SHBA-së dhe Izraelit gjatë luftës që vazhdon në Rripin e Gazës. Brenda disa ditëve të ardhshme, do të sigurohen tre flota (skuadrilje) të reja dhe mijëra municione të cilat do të dislokohen për ushtrinë izraelite”, sipas zyrtarëve izraelitë.
Sipas zyrtarëve emrat e të cilëve nuk identifikohen, thuhet se marrëveshja përfshin sigurimin e shumë avionëve F-35 dhe F15 AI si dhe të helikopterëve ushtarakë Apache, për ushtrinë izraelite.
Zyrtarët thanë se marrëveshja e nënshkruar në një kohë kur lufta në Gaza dhe konfliktet me Hezbollahun libanez në veri vazhdojnë, është “jashtëzakonisht e madhe”.