Në rrjetet sociale është shfaqur videoja e parë që pretendohet se është filmuar në spitalin al-Shifa, spitalin më të madh në Rripin e Gazës, brenda të cilit është futur ushtria izraelite.

Sipas dëshmitarëve që gjenden në spital, ata thanë për BBC se tanket dhe njësitë elitare të izraelitëve janë futur në njësinë kryesor – pra atë të emergjencës.

E nga Shtëpia e Bardhë është bërë e ditur se pacientët duhet të mbrohen.

“Nuk duam të shohim shkëmbim zjarri në spital”, është dhënë nga administrata e presidentit amerikan Joe Biden.

Personi që postoi videon në rrjetin social X, pretendon se ushtarët izraelitë kanë shtënë me armë brenda spitalit.

Qindra staf dhe pacientë janë brenda Al-Shifa, sipas raporteve më të fundit, së bashku me disa mijëra njerëz që kërkuan strehim nga ofensiva e Izraelit. Spitalet janë të mbrojtura në kohë lufte sipas ligjit ndërkombëtar humanitar, por Izraeli tha përmes një deklarate se “përdorimi i vazhdueshëm ushtarak i spitalit Shifa nga Hamas rrezikon statusin e tij të mbrojtur”.

Por ushtria izraelite ka “arsyetuar” këtë sulm me pretendim se në spital mund të ketë terorist të Hamasit.

Where is the conscience of the world..?!!
The deadly terrorist Israeli army stormed Al-Shifa Hospital and opened fire randomly inside the hospital

Save Al-Quds Hospital
Save Al-Shifa Hospital#أنقذوا_مستشفى_الشفاء pic.twitter.com/X3xqfp0Dj2

— Faten Abd El_Rahman (@FatenAb16089994) November 15, 2023