E dhimbshme: Ky është i riu i cili vdiq sot në Greikoc të Suharekës

Pak më parë u raportua se një 26-vjeçar ka ndërruar jetë sot në Greikoc të Suharekës dhe që 20-30 metra larg shtëpisë së tij Policia ka gjetur një kallashnikov.

Mediat lokale në Suharekë kanë raportuar se viktima është Faton Haxhaj dhe që është djali i dëshmorit Haxhi Haxhaj.

Lajmin për vdekjen e tij e ka konfirmuar zëdhënësi i Policisë së Kosovës për rajonin e Prizrenit, Vesel Gashi, i cili njoftoi se rasti është iniciuar si “Vdekje e dyshimtë”.

Ai tha se rreth orës 15:55 janë informuar nga Spitali Rajonal i Prizrenit se e kanë pranuar një pacient në gjendje të rëndë dhe përkundër përpjekjeve të mjekëve, i njëjti më vonë ka ndërruar jetë.


Gashi tha se më pas njësitet policore kanë dalë në vendin e ngjarjes dhe rreth 20-30 metra larg shtëpisë së viktimës është gjetur një armë, e tipit AK-47.

“Në vendin e ngjarjes ka dalë edhe prokurori i shtetit dhe rasti është duke u trajtuar si “Vdekje e dyshimtë”. Me urdhër të prokurorit, trupi i pajetë i viktimës është dërguar për procedura të mëtutjeshme në IML”, ka thënë Gashi.

ATT00001

Leave comment

Your email address will not be published. Required fields are marked with *.