E rëndë: 22-vjeçari në Prizren këput dy gishtat e dorës në vendin e tij të punës

Nuk janë të rralla rastet kur punëtorët dërgohen me urgjencë në spital për shkak të lëndimeve që marrin në vendet e tyre të punës. E një rast i tillë ka ndodhur mëngjesin e sotëm, raporton Gazeta Sinjali.

Sinjali mëson se një 22-vjeçar është dërguar në spital në gjendje të rëndë, pasi u lëndua teksa po punonte në fabrikën e stiroporit në fshatin Landovicë të Prizrenit.

Burimet brenda Spitalit kanë bërë të ditur se i riu ka këputur dy gishtat e dorës, nga puna që po kryente në një makineri dhe i njëjti pritet t’i nënshtrohet një intervenimi kirurgjik.

Lidhur me rastin është njoftuar edhe Policia e Kosovës të cilët kanë dalë në vendin e ngjarjes bashkë me inspektorin e Punës.

Me urdhër të prokurorit është iniciuar rasti ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’.

Leave comment

Your email address will not be published. Required fields are marked with *.