Fëmijëve kosovarë akoma nuk ju lejohet hyrja me certifikatë në Mal të Zi

Edhe këtë vit, familjarët që ia kanë mësyer Ulqinit me fëmjë, duhet të sigurohen që këta të fundit të kenë pasaporta.

Kjo pasi fëmijëve nga Kosova nuk po iu lejohet hyrja në territorin e Malit të Zi, me vetëm certifikatë të lindjes.

Drejtori i Organizatës Turistike të Ulqinit Gëzim Hajdinaga, u kërkon qytetarëve nga Kosova që të mos nisen drejt Ulqinit me fëmijë pa pasaporta apo me certifikata sepse ende nuk do të lejohen deri në një vendim tjetër.

Ai shpreson se së shpejti do të merret vendimi nga institucionet qendrore të Malit të Zi, për lejimin e hyrjes së fëmijëve edhe me certifikata.

Hajdinaga ka thënë se për këtë çështje ka dy javë që u ka shkruar zyrtarëve të institucioneve përgjegjëse, dhe se pritet që së shpejti të merret vendimi që fëmijët edhe sivjet të lejohen të vijnë në Ulqin, vetëm me certifikata.

ATT00001

Leave comment

Your email address will not be published. Required fields are marked with *.