Kosovës i ka mjaftuar vetëm lutje për Pakistanin, derisa e gjithë bota është solidarizuar me shtetin i cili humbi mbi 1.200 persona nga përmbytjet

Pakistani shteti i cili e ka njohur Kosovën është përfshirë nga një katastrof e madhe natyrore ku humbën jetën mbi 1200 persona.

Por në krahasim me shtetet e tjera që janë solidarizuar me këtë shtet Kosovës i ka mjaftuar vetëm një deklaratë nga kryeministri Kurti i cili ditë më parë ka thënë se do të lutet për popullin e Pakistanit.

Kryeministri i Kosovës, Albin Kurti, ka thënë se Kosova dhe populli i saj janë duke u lutur për popullin e Pakistanit, pas përmbytjeve të mëdha që janë duke ndodhur atje.

“Teksa reshjet po vazhdojnë në Pakistan, ne po e marrim me pikëllim të madh lajmin e përmbytjeve shkatërruese”.

“Qeveria e Republikës së Kosovës dhe populli ynë po luten për popullin e Pakistanit, duke u përballur me fatkeqësinë e tyre më të rëndë natyrore në dekada”, ka shkruar Kurti.

Nëntëmbëdhjetë persona të tjerë, përfshirë nëntë fëmijë, humbën jetën nga reshjet dhe përmbytjet në gjithë Pakistanin në 24 orët e fundit, duke e çuar numrin e përgjithshëm në mbi 1.200, sipas statistikave zyrtare të publikuara, transmeton (AA).

Gjithsej 1.208 njerëz kanë vdekur, përfshirë 416 fëmijë, dhe 6.082 janë lënduar, kur vendi u godit rëndë nga shirat e dendur dhe përmbytjet pasuese, tha Autoriteti Kombëtar i Menaxhimit të Fatkeqësive të vendit (NDMA).

Reshjet e rrëmbyeshme dhe përmbytjet kanë prekur mbi 33 milionë njerëz në 80 rrethe në të gjithë vendin, tha NDMA.

Shirat e vazhdueshëm dhe përmbytjet e furishme kanë shkatërruar tashmë një pjesë të madhe të infrastrukturës dhe tokave bujqësore në të gjithë vendin, duke përfshirë dhjetëra mijëra shtëpi, rrugë dhe ura.

Sipas NDMA-së, 472.313 njerëz janë zhvendosur në kampe të strehimit, kurse 121.630 njerëz janë evakuuar nga zonat më të prekura.

Përmbytjet e mëdha kanë shkaktuar gjithashtu dëme në mbi 1,17 milion shtëpi, prej të cilave 436.307 janë shkatërruar plotësisht. Fatkeqësia ka shkaktuar po ashtu ngordhjen e mbi 733 mijë kafshëve.

Ndërkohë, ndihma humanitare për Pakistanin pas përmbytjeve shkatërruese ka vazhduar nga i gjithë bota.

Një tjetër avion turk me ndihma u ul në aeroportin ndërkombëtar Jinnah të Karaçit të enjten mbrëma.

Ky është dhjeti nga fluturimet e tilla nga Turqia që transportojnë tenda, pako ushqimore, ushqim për fëmijë, batanije dhe mallra të tjera ndihmash.

ATT00001

Leave comment

Your email address will not be published. Required fields are marked with *.