KQZ certifikon rezultatet e zgjedhjeve lokale, katër komuna mbeten pa u certifikuar

Komisioni Qendror i Zgjedhjeve mori vendim për certifikimin e rezultateve përfundimtare të raundit të parë të zgjedhjeve për Kryetarë të Komunave.

Kryetari i KQZ-së, Kreshnik Radoniqi, tha se certifikimi i rezultateve është bërë në 35 komuna.

Ai tha se në katër komuna nuk është certifikuar rezultati për shkak se ka pasur ankesa dhe ende nuk është vendosur për to.

“Rezultati e raundit të parë të zgjedhjeve nuk mund të certifikohen në këto komuna si Shtime, Ferizaj, Podujevë dhe Kllokot, pasi që ka pasur ankesa dhe ende nuk është vendosur për to.”, tha Radoniqi.

Kujtojmë se në zgjedhjet e 17 tetorit, 17 kandidatë kanë fituar votat e mjaftueshme për kryetar, ndërsa në 21 komuna do të ketë raund të dytë të zgjedhjeve.

ATT00001

Leave comment

Your email address will not be published. Required fields are marked with *.