Albin Kurti, kryeministri i Kosovës, në një intervistë për të përditshme gjermane “Welt”, ka nënvizuar faktin se ai është i gatshëm ta shtrëngojë dorën e presidentit të Serbisë, Aleksandër Vuçiç, në rast se ky i fundit heq dorë nga lëshimi i letrave hyrje/dalje për kosovarët të cilët futen në Serbi.

Sipas Kurtit, gjithë në këtë mes një gjë është e sigurt se Kosova më 1 shtator do të fillojë ri implementimin e vendimit për konvertimin e targave dhe reciprocitetit me kartat e identitetit.

Por vetëm një gjë, sipas tij, mund ta ndryshojë situatën më 1 shtator, në rast se Vuçiç abstenon nga regjimi i lëshimit të letrave hyrje/dalje për kosovarët.

“Jam gati ta shtrëngoj dorën e Vuçiç’it nëse Serbia pranon të heqë dorë nga kontrollet kufitare në të ardhmen, atëherë ne do ta bëjmë të njëjtën gjë”, ka thënë ai për mediumin gjerman.