Policia jep detaje nga rasti ku u kapen 10 kg marihuanë në Prizren

Policia e Kosovës, Drejtoria për Hetimin e Trafikimit me Narkotik në Prizren, nën asistim të një patrulle policore, ka ndaluar dje automjetin Citroën C3, ngjyrë hiri, që vozitej nga një person i dyshuar mashkull.

Gjatë kontrollit në automjetin e tij është gjetur një qese plastike e mbushur me substancë të dyshuar të llojit marihuanë.

Në asistim të operatorëve të Njësisë për Reagim të Shpejtë (NJRSH) dhe Forenzikës Rajonale të Prizrenit ka filluar kontrolli në lokalin e të dyshuarit në Prizren.


“Gjatë kontrollit në lokal nën shkallët e lokalit është gjetë një bunker i kamufluar (modifikuar) mirë ku vërehej një derë e vogël që në prizëm (të rrymës elektrike) kishte vendin për qelës. Me anë të qelësit që e kishte i dyshuari është hap ajo derë dhe brenda saj janë gjetë dhe sekuestruar tetë (8) qese plastike me substancë të dyshuar narkotike të llojit Marihuanë” thuhet në komunikatën e policisë.

Përveç lokalit në fjalë është kontrolluar edhe shtëpia e të dyshuarit, ku po ashtu është gjetur një qese e vogël me substancë narkotike, e dyshuar si marihuanë.

Sipas policisë, në këtë operacion të bastisjes janë gjetur dhe sekuestruar si prova materiale dëshmitë si në vijim:

Nëntë (9) qese plastike me substancë të dyshuar narkotike të llojit marihuanë me peshë 10038.08 gram.

Një shumë e konsiderueshme e qeseve plastike të zbrazëta,

Një veturë modeli Citroen C3 ngjyr hiri me targa vendore,

Një palë qelësa për hapjen e lokalit,

Një qelës për hapjen e bunkerit,

Një telefon mobil.

ATT00001

Leave comment

Your email address will not be published. Required fields are marked with *.