Tifozëritë shqiptare pajtohen para varrit të Adem Jasharit
![Tifozëritë shqiptare pajtohen para varrit të Adem Jasharit](https://rtvbesa.com/wp-content/uploads/2022/11/FB_IMG_1668954018218.jpg)
Dy tifozëritë të skuadrave shqiptare nga Maqedonia e Veriut i shtrinë dorën e pajtimit njëri-tjetrit.
“Ballistët” e Shkendijës së Tetovës dhe “Shvercerat” e Shkupit përfundimisht bënë “paqe”.
Kjo ndodhi në Kompleksin Memorial “Adem Jashari” para varrit të komandantit legjendar.
Pajtimi i tyre u bë me ndërmjetësimin e humanistit Halil Kastrati, hoxhës Fatmir Latifaj dhe ish-kryetarit të Skenderajt Bekim Jashari.
Të dyja tifozëritë e patën një inicident mes tyre në ndeshjen e Kupës së Maqedonisë së Veriut.
Ata të Shkupit, shfrytëzuan ndeshjen e Kupës ndaj Shkëndijës për të hyrë në fushë dhe për t’i sulmuar lojtarët, gjë që irritoi tifozët nga Tetova, të cilët kërcënuan me veprime reciproke.