35 vjeçarja e cila ishte lënduar gjatë ditës së djeshme nga rrëzimi i lisit në lagjen “Pejton” në Prishtinë, është dërguar për shërim jashtë vendit

Kështu tha për Klankosova.tv mjeku Sami Bajçinca.

“Ajo në orët e vona të mbrëmjes është nisur për shërim jashtë vendit. Ka shkuar për trajtim në Shkup. Domethënë me rekomandim të kirurgëve spital ajo ka shkuar jashtë për t’u mjekuar” – tha Bajçinca.

Bajçinca ka folur për gjendjen e 35 vjeçares.

Ai theksoi se pasojat e lëndimit mund të shihen më vonë.

Sipas tij ajo rrezikon edhe të mbetet e palëvizshme.

“Gjendja e saj sipas trajtimit në emergjencë është stabile. Domethënë me tension e me vetëdije është stabile. Por, lëndimet janë të rënda. Ajo e ka të humbur përkohësisht lëvizjen dhe rrezikohet të mbetet e palëvizshme për tërë jetën” – theksoi ai.

“Ajo ka lëndime serioze. Ka marrë lëndime në palcën kurrizore, ka të thyera unazat e shpinës, qafës, eshtra ” – tha Bajçinca.

Si pasojë e motit të lig, gjatë ditës së djeshme në Prishtinë e humbi jetën një 30 vjeçar nga Podujeva.

Vdekja e tij erdhi si pasojë e goditjes nga një lis, i cili u rrëzua si pasojë e erërave të forta, njofton Klankosova.tv.

Leave comment

Your email address will not be published. Required fields are marked with *.