Diplomati i Ukrainës në Serbi: Nuk e kemi ndryshuar qëndrimin për Kosovën

Ambasadori i Ukrainës në Serbi: Nuk e kemi ndryshuar qëndrimi për Kosovën, por jemi mirënjohës për ndihmën.Ambasadori i Ukrainës në Serbi, Volodymyr Tolkach ka thënë se qëndrimi i Kievit zyrtar për çështjen e Kosovës nuk ka ndryshuar, por se janë mirënjohës për qëndrimin e Kosovës në lidhje me luftën në Ukrainë dhe ofrimin e ndihmës.
“Ne kemi qenë gjithmonë të qëndrueshëm në politikën e jashtme dhe gjithmonë kemi mbështetur çdo vend brenda kufijve që njihen ndërkombëtarisht”, tha ai për televizionin publik të Kosovës.

“Nga ana tjetër, Ukraina së bashku me vendet e tjera evropiane u përpoqën të ndalonin luftërat e përgjakshme në këtë rajon, siç ishte ajo e vitit 1999, por përpjekjet tona nuk mjaftuan”, rikujtoi diplomati ukrainas.“Prandaj sot jemi mirënjohës për mbështetjen që Kosova i jep Ukrainës, por në të njëjtën kohë ritheksojmë qëndrimin tonë parimor se duhet respektuar integriteti territorial dhe sovraniteti”, tha Tolkach“Në të njëjtën kohë, kush mund të jetë në të vërtetë mosmirënjohës për ndihmën që vjen nga çdo anë në formën e dhembshurisë, humanizmit, për çdo ndihmë të dhënë, çfarëdo vendi, territori apo pjesë që mund të jetë”, thekson ai.Ai mes tjerash tha se Kosova dhe Serbia duhet të gjejnë kompromis përmes dialogut.“Nga pozita e Ukrainës, ne kemi ndjekur rrugën e kompromisit duke mbrojtur vendin tonë për 23 vjet, por siç e shihni, ne nuk kemi mundur t’i shmangemi kësaj lufte të përgjakshme”, tha ai, duke tërhequr paralele mes marrëdhënieve të vendit të tij dhe Rusisë me ato mes Kosovës e Serbisë.“Dhe sa i përket kompromisit, unë nuk e di nëse mund të arrihet, por nga ana tjetër duhet kërkuar një kompromis deri në momentin e fundit”, shtoi ambasadori ukrainas.“Kushdo që harron se jeta njerëzore është pasuria më e madhe, herët a vonë do të vuajë sepse ne shohim se çfarë po ndodh në Ukrainë dhe nuk do të ishte mirë që diçka e tillë të përsëritej”, shtoi ai.Duke iu referuar çështjes së sanksioneve që BE-ja dhe Perëndimi po kërkojnë nga Serbia që t’i vendos Rusisë, ambasadori Tolkach thotë se do të ishte mirë që Serbia të mbrojë vlerat evropiane së bashku me Ukrainën.“Ukraina dhe Serbia kanë një qëllim të përbashkët, që është integrimi në BE”, tha ai.“Nuk mund të pres dhe të insistoj që Serbia të vendosë sanksione ndaj Rusisë, por do të ishim mirënjohës nëse qeveria e re e Serbisë do të shkonte me ne në rrugën që kemi zgjedhur bashkërisht, rruga e BE-së”, theksoi ambasadori ukrainas.“Ne sapo jemi bërë kandidate për anëtarësim në BE, Serbia ka kohë që është kandidate, dhe do të ishte shumë mirë ta mbronim atë rrugë me përpjekje dhe përpjekje të përbashkëta”, theksoi Tolkach.“Nëse Serbia udhëheq të njëjtën politikë që ne e udhëheqim, që janë çështje që të çojnë në BE, ne do t’i jemi mirënjohës”.I pyetur se sa mendon që është i mundur destabilizimi në rajon, për shkak të propagandës ruse, ambasadori Volodymyr Tolkach, thotë se rreziku është real.“Sa i përket propagandës ruse, mund të themi se është propagandë e luftës dhe e vrasjes së gjithë asaj nga çka po e mbrojmë Evropën sot”, tha ai.

Leave comment

Your email address will not be published. Required fields are marked with *.