I jepet lamtumira e fundit nënës së Kadri Veselit – Krasniqi thotë se dhimbja bëhet më e madhe në mungesë të Veselit

Në varrezat e fshatit Broboniq të Mitrovicës është varrosur sot Ajshe Veseli, nëna e ish-kryetarit të Kuvendit, Kadri Veselit.

Në ceremoninë e varrimit kanë marrë pjesë shumë familjarë e miq të familjes Veseli.

I pranishëm ishin krerët e Partisë Demokratike të Kosovës. Kryetari i saj, Memli Krasniqi, tha se ky varrim njëjtë si para gjashtë muajve, bëhet i vështirë pasi nuk është në mesin e tyre edhe ish-kryetari i partisë, Kadri Veseli.

“Na vjen keq për rastin e sotëm, humbjen e nënës Ajshe ka qenë një zojë, një grua e fortë bujare e cila ka reflektuar atë madhështinë të cilën jemi mësuar ta shohim te nënat e saj. Në këtë moment kjo vdekje ky varrim bëhet më i vështirë për faktin se as këtë herë siç ndodhi para 6 muajsh me babin e tij nuk ishte në mesin tonë miku ynë, kryetari Kadri Veseli. Kjo e bënë edhe më të dhimbshme këtë rast, gjithsesi ne shpresojmë që edhe kjo betejë e fundit tepër e rëndësishme me të cilën po ballafaqohet ai dhe bashkëluftëtarët e tij, është çmim i lartë por do të jetë beteja që do ta vulos drejtësinë e luftës çlirimtare të Kosovës”, ka thënë Krasniqi.

Leave comment

Your email address will not be published. Required fields are marked with *.