Kryetari i Vetëvendosjes, Albin Kurti tha se ka pritur rezultat ndryshe në Mitrovicë, ku kandidati i VV-së, Agim Bahtiri humbi zgjedhjet përballë Bedri Hamzës.Kurti tha se arsyeja e humbjes së Bahtirit mund të jetë edhe mosndihmesa e mjaftueshmë e partisë për Bahtirin.

“Kam pritur rezultat tjetër në Mitrovicë, edhe këtë do ta analizojmë, mbase nuk e kemi ndihmuar mjaftueshëm kandidatin tonë Agim Bahtiri të cilin e falenderoj përzemërsisht për kontributin dhe gjithashtu për besnikërinë ndaj Lëvizjes Vetëvendosje dhe për korrektësinë e tij në raport me mua si kryetar dhe kryeministër”, tha Kurti.