Është ngritur aktakuzë ndaj M.D, i cili i kishte ofruar 10 euro ryshfet policit kufittar në Vërmicë që të mos veprojë në pajtim me detyrën zyrtare.

Me këtë ai dyshohet se ka kryer vepren penale “Dhënia e ryshfetit”.

Ai më datë 08.01.2022 rreth orës 00:15 minuta, në vendkalimin kufitar të Vërmicës, në mënyrë tërthortë i ofron përfitim personit zyrtar përkatësisht policit kufitar A.Sh., që ai të mos veprojë në pajtim me detyrën e tij zyrtare në atë mënyrë që gjatë kalimit të pikës kufitare të Vërmicës nga Republika e Shqipërisë për në Republikën e Kosovës, me kamionetën e tipit “Mercedes”, për t’i krijuar lehtësirë vetes pasi nuk kishte autorizim të vulosur për drejtimin e kamionetës nga pronari M.Th., nga fshati Shkarashnik-Malishevë.

I akuzuari i prezanton dokumentet e kërkuara nga ana e personit zyrtar policisë kufitare ku në mes të dokumenteve në lejen e qarkullimit të automjetit kishte vendosur 10 euro ryshfet për policin kufitar i cili ishte në detyrë, njofton Prokuroria e Prizrenit.

Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartëcekur për veprën penale për të cilën akuzohet të shpallet fajtor dhe të dënohet sipas ligjit.

ATT00001

Leave comment

Your email address will not be published. Required fields are marked with *.