Shaqir Totaj kërcënohet nga dy persona, policia i arreston

Kryetari i komunës së Prizrenit, Shaqir Totaj, ka raportuar se është kërcënuar nga dy persona.

Lajmin për Klankosova e ka konfirmuar zëdhënësi i policisë për rajonin e Prizrenit, Shaqir Bytyqi, i cili tha se rasti është raportuar mbrëmë rreth orës 20:00.

“Dje më datë 24.01.2023, në sektorin Rajonal të Hetimeve në Prizren, kryetari i komunës së Prizrenit ka raportuar se rreth orës 20:00 është kanos nga një i dyshuar, i dyshuari i parë ka përcjellë mesazhin nëpërmes të dyshuarit të dytë, të djali i ankuesit”, është shprehur Bytyqi, njofton Klankosova.

Tutje, ai bëri të ditur se Totaj është kanosur pasi që i dyshuari është i pakënaqur me vlerësimin e pronës së tij nga komuna.

“Fjala është për një pronë-shtëpi, e cila ka disa vite që pengon përfundimin e rrugës “Tranzit i Ri” në Prizren. Të dyshuarit janë intervistuar dhe me urdhër të prokurorit kujdestar janë ndal në ndalim policor për 48 orë”, është shprehur Bytyqi.

ATT00001

Leave comment

Your email address will not be published. Required fields are marked with *.