Togerja e FSK, së Liridona Baftjari-Jashari shpallet studentja më e mirë ndërkombëtare në Stamboll

Ministri i Mbrojtjes, Armend Mehaj, ka njoftuar se togere Liridona Batfjari-Jashari, është shpallur studentja më e mirë ndërkombëtare në Stamboll.

Ajo pranoi këtë çmim në ceremoninë e diplomimit në Institutin e Luftës Tokërore në Kursin e Oficerit Shtabor në Turqi.

Mehaj u shpreh krenar për gratë dhe vajzat ushtarake të Kosovës dhe i uroi suksese studentes.

Njoftimi i plotë:

Shumë krenar me gratë dhe vajzat tona ushtarake!

Sot, oficerja jonë, Togere Liridona Baftjari-Jashari, në ceremoninë e diplomimit në Institutin e Luftës Tokërore në Kursin e Oficerit Shtabor në Stamboll, u shpall Studentja më e mirë ndërkombëtare.

Togere Baftjari- Jashari ka hyrë edhe në historinë e këtij instituti si oficerja e parë ndërkombëtare me një sukses të tillë!

Shumë urime Togere dhe të gjithë jemi shumë krenar me ty!

Vazhdojmë drejtë sukseseve të reja!

Leave comment

Your email address will not be published. Required fields are marked with *.