Ministri i Bujqësisë, Pylltarisë dhe Zhvillimit Rural, Faton Peci, e ka kaluar ditën e diel duke bërë pak sport.

Ai përmes një postimi në Facebook ka treguar se është ngjitur shkëmbinjve të Boletinit, derisa ka postuar edhe disa fotografi.

Madje, ministri i Bujqësisë thotë se “kalitjen e karakterit ua kemi borxh të parëve tanë e trojeve tona të thepisuna”.

“…Këtyre troje që edhe pse të përbëra nga guri i thatë, kanë qenë dhe mbeten simbol i mbijetesës, mburojës e fuqisë. Nga gurët e Boletinit, është zhvilluar veprimtaria zejtare e skalitjes së gurëve të mullirit, zeje kjo, aspak e lehtë për banorët”, ka shkruar ai në Facebook.

Peci ka thënë se kjo zonë ka arritur që të karakterizohet përmes qëndresës, faqes së bardhë dhe trimërisë.