“Kurani është një libër i dërguar për të gjithë njerëzinë dhe jo i dërguar vetëm për muslimanët. Njiheni, kuptojeni Kuranin dhe bëhuni mik dhe jo armik me të”, tha kreu i Diyanetit, Erbaş.

Gjatë kohës së namazit të sabahut në 90 mijë xhami në të gjithë Türkiye-n u lexua Kuran dhe u bë lutje me qëllim reagimin ndaj djegies së Kuranit para ambasadës së Türkiye-s në Stockholm të Suedisë, raporton Anadolu Agency (AA).

Në të gjitha xhamitë në mbarë vendin u organizua program për leximin e Kuranit, pas thirrjes që bëri kryetari i Çështjeve Fetare të Türkiye-s (Diyanet), Ali Erbaş pas djegies së Kuranit para ambasadës së Türkiye-s në Stockholm.